អាហារពេលព្រឹក ជាអាហារសំខាន់បំផុត
ខួរក្បាលរបស់មនុស្សធ្វើការដោយពឹងផ្អែកទៅលើក្លុយកូស(ជាតិស្ករដែលបានមកពីការធ្វើសំយោគមេតាប៉ូលីសនៃអាហារ) ដែលសំខាន់សម្រាប់សកម្មភាពផ្សេងៗដូចជា និយាយគិត ដើរ អាន ចាប់វត្ថុផ្សេងៗ ជាដើម ។ មេតាប៉ូលីសអាចប្រព្រឹត្តិទៅលុះណាតែមានជាតិអាហារនៅក្នុងក្រពះរបស់លោកអ្នក ។
បើលោកអ្នកព្យាយាមបង្អត់អាហារពេលព្រឹក ហើយរង់ចាំរហូតដល់ថ្ងៃត្រង់ នោះលោកអ្នកកំពុងបង្អត់ប្រព័ន្ធសរីរាង្គរបស់លោកអ្នកក្នុងរយះពេលជាង១០ម៉ោង ហើយលោកអ្នកកំពុងបង្ខំឲ្យខួរក្បាលរបស់លោកអ្នកធ្វើការដោយគ្មានអ្វីទ្រទ្រង់សោះ ។ ការបង្អត់អាហារដល់ខួរក្បាលរបស់លោកអ្នក នឹងធ្វើឲ្យខួរក្បាលរបស់លោកអ្នកចុះខ្សោយក្នុងការគិត ការដោះស្រាយ ការចងចាំ ការរំលឹកឡើងវិញ ។ល។ អ្នកខ្លះយល់ច្រលំថា ការបង្អត់អាហារពេលព្រឹកនឹងធ្វើឲ្យគេអាចសម្រកទំងន់ តាមពិតវាកាន់តែធ្វើឲ្យកើនទំងន់ទៅវិញទេដោយវានឹងធ្វើឲ្យងាប់កោសិការខួរក្បាលមួយចំនួន នៅពេលដែលយើងព្យាយាមបញ្ជារវា ហើយជាតិខ្លាញ់នឹងកាន់តែកើននៅក្នុងរាង្គកាយរបស់លោកអ្នក ដែលមិនធ្វើឲ្យលោកអ្នកស្រកទំងន់ឡើយ ។ ហេតុនេះហើយ អាហារពេលព្រឹក ជាអាហារសំខាន់បំផុតសម្រាប់មនុស្សគ្រប់រូប ។
(ដកស្រង់ពី 4khmerwordpress)
យ៉ាវីន
អាហារជំនួយស្បែក និង សក់ ក្នុងរដូវរងា
ចូលដល់រដូវរងាយើងគ្រប់គ្នាតែងបារម្ភពីរឿងស្បែកនិងសក់មាន បញ្ហា។ដូច្នេះដើម្បីសុខភាពស្បែកនិងសរសៃសក់អាហារដែលជំនួយ ផ្នែកខាងក្នុងមានសារសំខាន់ខ្លាំងណាស់សម្រាប់រដូវរងា
បែបនេះ។ ដូច្នេះសូមងាកមកទទួលទានអាហារតាមការណែនាំដូចតទៅនេះ ៖
អាហារដែលឱ្យរាងកាយតុល្យភាព : មានដូចជា បន្លែ ផ្លែឈើ ធញ្ញជាតិមិនខាត់ស និង សណ្ដែក។
បន្លែផ្លែឈើស្រស់ពណ៌ទឹកក្រូច : ដោយសារតែបន្លែផ្លែឈើទាំងនោះមាន បេតាខារ៉ូទីនដែលជាសារធាតុអង់ទីអុកស៊ីដង់ខ្ពស់ ជួយស្បែក និង សរសៃសក់ឱ្យរឹង មាំ។ អាហារដែលមានអាស៊ីដខ្លាញ់អូមេហ្គា-៣
ធ្វើឱ្យសុខភាពស្បែកល្អ ដូចជា ទទួលទានត្រីមួយសប្ដាហ៍ពីរដង ដោយសង្កត់ធ្ងន់ ទៅលើត្រីសមុទ្រ។
ប្រេងគុណភាពល្អ : ដូចជា ប្រេងអូលូវប្រេងហ្វ្លិចស៊ីដ (Flaxssed Oil) ជួយស្បែក និង ស្បែកក្បាលឱ្យមានសំណើម។ ត្រូវចៀសវាងអាហារចៀនដោយខ្លាញ់ដែលឆ្លង់ កាត់វិធីសាំញ៉ាំក្នុងការចម្រាញ់។
អាហារដែលមានស៊ុលផួរ : ដូចជា ខ្ទឹមស ខ្ទឹមបារាំង អាហារទាំងអស់នេះជួយឱ្យ ស្បែកម៉ត់រលីងល្អ។
អាហារដែលសម្បូរទៅដោយវីតាមីន E : ដូចជាចុងស្រូវសាលី ល្ងខ្មៅល្ងសការពារ កោសិកាមិនឱ្យត្រូវបំផ្លាញ និង ជួយភ្ជាប់ស្បែក បន្ថែមសំណើមឱ្យស្បែកក្បាលនិង សរសៃសក់៕
ដកស្រង់ ទស្សនាវដ្ដី ប្រជាប្រិយឆ្នាំទី ១៦ លេខ ៤៨២ ១-១០ កុម្ភៈ ២០១០
